«Манчестер Юнайтед» ўзининг икки футболчисини «Барселона» ярим ҳимоячиси Френки Де Йонгга алмаштиришга тайёр, деб хабар бермоқда Fichajes нашри.
Манбага кўра, "манкунианликлар" ҳужумчи Маркус Рэшфорд ва ҳимоячи Алекс Теллес билан хайрлашишга қарши эмас.
Эслатиб ўтамиз, жорий мавсум якунида инглизлар жамоасини нидерландиялик мутахассис Эрик тен Хаг қабул қилиб олиши 21 апрель куни расман маълум бўлди. Айнан унинг раҳбарлигида Де Йонг 2018/2019 йилги мавсумда ўзини намоён қилди, шундан сўнг уни «Барселона» сотиб олди.
Олдинроқ каталонияликлар ўз футболчиси билан хайрлашиш ниятида эмаслиги ҳақида хабар берилганди.
24 ёшли Де Йонг жорий мавсумда «кўк-анорранглилар» сафида 43 та ўйинда майдонга тушиб, 4 та гол урди ва 5 та голли узатмани амалга оширди.
Transfermarkt портали Нидерландия терма жамоаси футболчисини 70 миллион еврога баҳоламоқда.
