«Inter» va «Milan» dam olish kunlaridagi g‘alabalari bilan kelasi mavsum Chempionlar ligasidagi ishtirokini ta’minladi.
Shu tariqa, bu muvaffaqiyati uchun har ikki klub YECHL guruh bosqichiga yo‘l oladi va UYEFA tomonidan 30 million yevrodan bonus oladi.
Eslatib o‘tamiz, «Inter» hozirda moliyaviy muammolarga duch kelmoqda. Ashraf Hakimi va Romelu Lukakuning o‘tgan yilgi transferi klubga barcha muammolarni hal qilishga yordam bermadi. Mish-mishlarga ko‘ra, vaziyatdan chiqish uchun «neradzurri» rahbariyati jamoa yetakchilaridan biri, «Tottenxem» va «Atletiko» faol kurash olib borayotgan Lautaro Martinesni sotish masalasini ko‘rib chiqishga tayyor.
Hozir «Inter» va «Milan» A Seriyada chempionlik uchun faol kurash olib bormoqda.
«Rossonerlar» ikki ochko farq bilan oldinda, ammo Simone Indzagi shogirdlarida bitta zaxira o‘yini bor.
