«Интер» ва «Милан» дам олиш кунларидаги ғалабалари билан келаси мавсум Чемпионлар лигасидаги иштирокини таъминлади.
Шу тариқа, бу муваффақияти учун ҳар икки клуб ЕЧЛ гуруҳ босқичига йўл олади ва УЕФА томонидан 30 миллион евродан бонус олади.
Эслатиб ўтамиз, «Интер» ҳозирда молиявий муаммоларга дуч келмоқда. Ашраф Ҳакими ва Ромелу Лукакунинг ўтган йилги трансфери клубга барча муаммоларни ҳал қилишга ёрдам бермади. Миш-мишларга кўра, вазиятдан чиқиш учун «нерадзурри» раҳбарияти жамоа етакчиларидан бири, «Тоттенхэм» ва «Атлетико» фаол кураш олиб бораётган Лаутаро Мартинесни сотиш масаласини кўриб чиқишга тайёр.
Ҳозир «Интер» ва «Милан» А Серияда чемпионлик учун фаол кураш олиб бормоқда.
«Россонерлар» икки очко фарқ билан олдинда, аммо Симоне Индзаги шогирдларида битта захира ўйини бор.
