Yevropaning kuchli 5ta chempionatidan kamida 3tasida zafar quchgan futbolchilar ro‘yxatini kim boshqarayotganini bilasizmi? Niderlandiyalik Aryen Robben. Futbol bilan xayrlashgan, ammo vaqti-vaqti bilan qaytish variantlarini ko‘rib chiqayotgan sobiq vinger Angliya, Ispaniya va Germaniya chempionatlarida ja-mi 11 marta g‘a-laba bongini chalgan. Bu - rekord, lekin endi mutlaq emas...
***
Joriy mavsum «Bavariya» bilan navbatdagi «Kumush tovoq»ni yutgan fransiyalik Kingsli Koman betakror Aryen Robbenni mutlaq rekordchi maqomidan mosuvo etdi. Unda endi Italiya, Fransiya va Germaniyada qo‘lga kiritilgan 11ta oltin medal bor. Demak, fransiyalik futbolchi endi mutlaq rekord sari harakat qiladi.
***
«Milan» hujumchisi Zlatan Ibragimovichda 3 xil oltin medal soni bo‘yicha sof 3-o‘ringa chiqib olish imkoniyati bor. Faqat buning uchun «rossonerlar» finish marrasiga qadar bo‘shashmasliklari kerak. Yana «Inter» va «Napoli»ning ochko yo‘qotishi ham muhim. Ibra shunda Ispaniya, Fransiya va Italiyadagi faoliyati hisobidan 10-chempionlikni nishonlaydi.
