Yevropa chempionlar ligasining yarim final bosqichidan o‘rin olgan dastlabki uchrashuv muxlislar ulkan shouni taqdim etdi. "Manchester Siti" o‘z maydonida "Real"ni qabul qilgan bahsda tomoshabinlar 7ta golga guvoh bo‘lishdi.

"Shaharliklar" o‘yinni o‘ta faol boshlashdi. 2-daqiqadayoq Kevin de Bryuyne hisobni ochgan bo‘lsa, 11-daqiqada Jezus farqni ikkitaga oshirdi. Madridliklar 21-daqiqaga kelib o‘yinga qaytishdi. Mendining uzatmasini Benzema darvozaga burib yubordi — 2:1.

Ikkinchi bo‘lim boshida Fil Foden hisobdagi farqni yana 2taga oshirgan bo‘lsa, oradan 2 daqiqa o‘tib Vinisius maydon markazidan turib raqib darvozaboni bilan yakkama-yakka chiqib ketdi va hisobni 3:2 ko‘rinishga keltirdi.

O‘yin tugashiga 16 daqiqa qolganida Bernardu Silva kutilmagan zarba bilan "Siti"ning to‘rtinchi goliga mualliflik qildi. 82-daqiqada esa hakam manchesterliklar darvozasi tomon penalti belgiladi. Benzema "panenka" orqali "Real"ning uchinchi golini urdi.

Bundan tashqari, «Manchester Siti» yarim himoyachisi Riyod Mahrez 3ta yuz foizli imkoniyatdan foydalana olmaganini ta’kidlash lozim (bir vaziyatda to‘p ustunga tegib qaytdi, Fodenning bo‘sh darvozaga yo‘llagan zarbasini Karvaxal chiziq ustida qaytardi).

Javob uchrashuvi bir haftadan so‘ng "Santyago Bernabeu"da bo‘lib o‘tadi.

Yevropa chempionlar ligasi, yarim final, dastlabki o‘yin
Manchester Siti Angliya – Real Madrid Ispaniya 4:3 (2:1)
Gollar: 1:0 – 2 de Bryuyne, 2:0 – 11 Gabriel Jezus, 2:1 – 33 Benzema, 3:1 – 53 Foden, 3:2 – 55 Vinisius Junior, 4:2 – 74 Bernardu Silva, 4:3 – 82, penalti Benzema.
Manchester Siti – Ederson, Stounz (Fernandinyo, 36), Laport, Ruben Diash, Zinchenko, de Bryuyne, Bernardu Silva, Rodri, Foden, Marez, Gabriel Jezus (Sterling, 83).
Real Madrid – Kurtua, Karvaxal, Alaba (Nacho, 46), Militao, Mendi, Modrich (Sebalyos, 79), Kroos, Valverde, Benzema, Vinisius Junior (Asensio, 88), Rodrigo (Kamavinga, 70).
Ogohlantirishlar: Fernandinyo (81), Nacho (90+3).