Европа чемпионлар лигасининг ярим финал босқичидан ўрин олган дастлабки учрашув мухлислар улкан шоуни тақдим этди. "Манчестер Сити" ўз майдонида "Реал"ни қабул қилган баҳсда томошабинлар 7та голга гувоҳ бўлишди.

"Шаҳарликлар" ўйинни ўта фаол бошлашди. 2-дақиқадаёқ Кевин де Брюйне ҳисобни очган бўлса, 11-дақиқада Жезус фарқни иккитага оширди. Мадридликлар 21-дақиқага келиб ўйинга қайтишди. Мендининг узатмасини Бензема дарвозага буриб юборди — 2:1.

Иккинчи бўлим бошида Фил Фоден ҳисобдаги фарқни яна 2тага оширган бўлса, орадан 2 дақиқа ўтиб Винисиус майдон марказидан туриб рақиб дарвозабони билан яккама-якка чиқиб кетди ва ҳисобни 3:2 кўринишга келтирди.

Ўйин тугашига 16 дақиқа қолганида Бернарду Силва кутилмаган зарба билан "Сити"нинг тўртинчи голига муаллифлик қилди. 82-дақиқада эса ҳакам манчестерликлар дарвозаси томон пенальти белгилади. Бензема "паненка" орқали "Реал"нинг учинчи голини урди.

Бундан ташқари, «Манчестер Сити» ярим ҳимоячиси Риёд Маҳрез 3та юз фоизли имкониятдан фойдалана олмаганини таъкидлаш лозим (бир вазиятда тўп устунга тегиб қайтди, Фоденнинг бўш дарвозага йўллаган зарбасини Карвахаль чизиқ устида қайтарди).

Жавоб учрашуви бир ҳафтадан сўнг "Сантьяго Бернабеу"да бўлиб ўтади.

Европа чемпионлар лигаси, ярим финал, дастлабки ўйин
Манчестер Сити Англия – Реал Мадрид Испания 4:3 (2:1)
Голлар: 1:0 – 2 де Брюйне, 2:0 – 11 Габриэл Жезус, 2:1 – 33 Бензема, 3:1 – 53 Фоден, 3:2 – 55 Винисиус Жуниор, 4:2 – 74 Бернарду Силва, 4:3 – 82, пенальти Бензема.
Манчестер Сити – Эдерсон, Стоунз (Фернандиньо, 36), Лапорт, Рубен Диаш, Зинченко, де Брюйне, Бернарду Силва, Родри, Фоден, Марез, Габриэл Жезус (Стерлинг, 83).
Реал Мадрид – Куртуа, Карвахаль, Алаба (Начо, 46), Милитао, Менди, Модрич (Себальос, 79), Кроос, Вальверде, Бензема, Винисиус Жуниор (Асенсио, 88), Родриго (Камавинга, 70).
Огоҳлантиришлар: Фернандиньо (81), Начо (90+3).