Joze Mourinyo Konferensiyalar ligasi yarim finalidagi bosim haqida fikr bildirdi.
Ayni paytda «Roma» YEKLning yarim final dastlabki uchrashuvida «Lester» bilan safarda o‘ynamoqda.
«Bizda shunday o‘yin uslubi borki, uni faqat yarim finalga chiqqanimiz uchun o‘zgartirib bo‘lmaydi, bu jamoaning taktik va psixologik dinamikasini yo‘qotishiga olib kelishi mumkin.
Butun mavsum davomida qilgan ishlarimiz evaziga yarim finalga chiqdik. Bunday o‘yinlarda kichik detallar, konsentrasiya va bosim darajasi hal qiluvchi ahamiyatga ega.
Men bosimni his qilmayapman, chunki bu bilan 20 yildan ortiq shug‘ullanaman va hozir hammasi dejavyu, lekin men tushunamanki, bunday darajada bo‘lmagan ba’zi futbolchilar bosim ostida bo‘lishi mumkin.
Finalga yaqin qolganimizni o‘ylab, hamma narsani o‘ta tabiiy tarzda qilishga harakat qilamiz” - dedi «Roma» bosh murabbiyi DAZN nashriga.
