«Manchester Yunayted»ning sobiq darvozaboni Tomash Kushchak jamoani tubdan o‘zgartirishni taklif qilmoqda.

«Joriy vaziyat ko‘ngildagidek emas. Biz yangi murabbiy chaqirdik, u jamoadagi vaziyatni o‘zgartirishga harakat qildi, ammo to‘g‘risini aytaylik: bu jamoa o‘z imkoniyatlaridan pastroq harakat qilmoqda, tarkibni o‘zgartirish vaqti keldi.

Bizda murabbiylar ko‘p edi, endi futbolchilarga g‘amxo‘rlik qilish vaqti keldi. Agar «Manchester Yunayted» g‘alabali yo‘lga qaytishni istasa, unga yangi qon kerak.

Men katta o‘zgarishlar kutaman, sevimli klubim kerakli darajada o‘ynashini va «Liverpul»ga qarshi 2ta o‘yinda 9ta gol o‘tkazib yubormasligini istayman. Bu hayratlanarli holat», — deydi Tomash.