Dortmundning "Borussiya" klubi hujumchisi Yulian Brandt mavsum yakunida faoliyatini Angliyada davom ettirishi mumkin.
Britaniya OAVlarining xabariga ko‘ra, germaniyalik futbolchi bir necha mavsumdan buyon APLda davom ettirishni orzu qilib kelmoqda. Yaqinlashib kelayotgan yozda futbolchi bu orzusini amalga oshirish uchun qattiq bel bog‘lamoqchi.
Hozirda Brandt uchun rasmiy takliflar yo‘q. Futbolchining "asalarilar" bilan amaldagi shartnomasi 2024 yilning iyun oyi oxirigacha tuzilgan.
Joriy mavsum 25 yoshli nemis jami 37 ta o‘yinda maydonga tushib, 7 ta gol va 10 ta golli uzatma amalga oshirgan.
