"Tottenxem" bosh murabbiyi Antonio Konte klubdagi kelajagi haqida fikr bildirdi.
“Menga bu yerda ishlash juda yoqadi, men bu yerda ishlayotgan barcha odamlar bilan, rahbarimiz Daniel Levi hamda Fabio Paratichi bilan ajoyib munosabatdaman. Shu sababli mavsum oxirida yaxshi uchrashuv o‘tkazish va hamma uchun eng to‘g‘ri yechim topishga harakat qilish kerak", - dedi Konte "Lester"ga qarshi o‘yin oldidan matbuot anjumanida.
Biroq, u eng yuqori o‘rinlar uchun kurashishni afzal ko‘rishini qo‘shimcha qildi.
"Men kurashishga, sovrinlarni qo‘lga kiritishga harakat qilishga va oltinchi yoki yettinchi, sakkizinchi o‘rinlar uchun emas, balki sovrin uchun kurashishga loyiqman", dedi Konte.
Oldinroq italiyalik mutaxassis «PSJ» rahbarlari bilan yozda Parij klubiga o‘tishi mumkinligi haqida muzokaralar olib borayotgani haqida xabar berilgandi, biroq, Kontening o‘zi bu ma’lumotni inkor etgan edi.
Ayni damda "Tottenxem" APL turnir jadvalida to‘rtinchi o‘rinni egallab turibdi va "Arsenal" bilan Chempionlar ligasiga beriladigan yo‘llanma uchun kurashmoqda.
