"Barselona" bosh murabbiyi Xavi Kataloniya klubida Angliyaning "Vulverxempton" klubidan ijara asosida o‘ynayotgan yarim himoyachi Adam Traore haqidagi mish-mishlarga izoh berdi.
“Keyingi mavsum haqida gapirmaslikni afzal ko‘raman. Adama u qadar ko‘p o‘ynamasa ham bizga ko‘p yordam berdi. U juda ko‘p golli uzatma berdi, bu jamoa uchun juda muhim. Uning o‘yinidan juda mamnunman", - dedi Xavi matbuot anjumanida.
Eslatib o‘tamiz, qishda Adam Traore Londonning "Tottenxem" jamoasi safiga qo‘shilish imkoniyatiga ega bo‘lgandi, ammo yakunda futbolchi sotib olish huquqisiz "Barselona"ga ijaraga berilgandi.
