«Real» yarim himoyachisi Kazemiro Ispaniya chempionatidagi g‘alaba haqidagi taassurotlari bilan o‘rtoqlashdi.

«Bundan bahra oling. Biz hozircha xursand bo‘la olmaymiz, chunki bizni chorshanba kuni yana bir yirik o‘yin kutib turibdi, lekin biz bundan zavq olishimiz kerak», - dedi Kazemiro «Real» «Espanyol» ustidan 4:0 hisobida g‘alaba qozongan va muddatidan oldin chempionlikni rasmiylashtirganidan keyin.

Uning qo‘shimcha qilishicha, g‘alabaga mashaqqatli mehnat sabab bo‘lgan.

«Shu tariqa, biz tinimsiz va muntazam mehnat qilib, chempion bo‘lamiz. Bu eng muhimi. La Liga har doim eng qiyin chempionat bo‘lib qoladi», - deydi Kazemiro.