«Реал» ярим ҳимоячиси Каземиро Испания чемпионатидаги ғалаба ҳақидаги таассуротлари билан ўртоқлашди.

«Бундан баҳра олинг. Биз ҳозирча хурсанд бўла олмаймиз, чунки бизни чоршанба куни яна бир йирик ўйин кутиб турибди, лекин биз бундан завқ олишимиз керак», - деди Каземиро «Реал» «Эспаньол» устидан 4:0 ҳисобида ғалаба қозонган ва муддатидан олдин чемпионликни расмийлаштирганидан кейин.

Унинг қўшимча қилишича, ғалабага машаққатли меҳнат сабаб бўлган.

«Шу тариқа, биз тинимсиз ва мунтазам меҳнат қилиб, чемпион бўламиз. Бу энг муҳими. Ла Лига ҳар доим энг қийин чемпионат бўлиб қолади», - дейди Каземиро.