«Tottenxem» bosh murabbiyi Antonio Konte «Lester» bilan o‘yin oldidan matbuot anjumanida jurnalistlarga liganing qolgan barcha o‘yinlarida g‘alaba qozonish imkonsiz ekanligini aytdi.
«Agar beshta o‘yinda g‘alaba qozonsak, balki Chempionlar ligasiga yo‘l olishimiz mumkin. Lekin Angliyada har bir o‘yinda g‘alaba qozonaman deb o‘ylashning iloji yo‘q. Buni qilish imkoniyatsiz, - dedi Konte.
Uning ta’kidlashicha, shunga qaramay, o‘yindan o‘yinga o‘tib, bosqichma-bosqich natijalarga erishish kerak.
"Biz bosqichma-bosqich rivojlanishimiz va bu biz uchun ajoyib imkoniyat ekanini tushunishimiz kerak, har bir o‘yinni katta ishtiyoq va quvonch bilan kutib olishimiz kerak”, — dedi Konte.
