Fransiya chempionatining 35-turining so‘nggi o‘yinida “Lion” “Marsel” maydoniga tashrif buyurdi va ikkinchi bo‘limda “Velodrom”da raqib darvozasiga javobsiz uchta gol kiritdi. Ushbu muvaffaqiyat klubga Liga—1dagi 1000-g‘alabani munosib nishonlash imkonini berdi.
“Lion” Fransiya futboli tarixida ushbu shonli marraga erishgan beshinchi jamoa bo‘ldi. Qizig‘i shundaki, «PSJ» bu beshlikka kirmagan. Qatar investorlari kelgan davrgacha Parij klubining natijalari juda kamtarin edi.
G‘alabalar soni bo‘yicha peshqadam “Marsel” bo‘lib, 1149 ta o‘yinda 3 ochko qo‘lga kiritgan. Undan keyin Fransiya futboli oliy ligasida “Bordo” – 1074, “Sent-Eten” – 1062, “Monako” esa 1040 o‘yinda g‘alaba qozongan.
