Франция чемпионатининг 35-турининг сўнгги ўйинида “Лион” “Марсель” майдонига ташриф буюрди ва иккинчи бўлимда “Велодром”да рақиб дарвозасига жавобсиз учта гол киритди. Ушбу муваффақият клубга Лига—1даги 1000-ғалабани муносиб нишонлаш имконини берди.
“Лион” Франция футболи тарихида ушбу шонли маррага эришган бешинчи жамоа бўлди. Қизиғи шундаки, «ПСЖ» бу бешликка кирмаган. Қатар инвесторлари келган давргача Париж клубининг натижалари жуда камтарин эди.
Ғалабалар сони бўйича пешқадам “Марсель” бўлиб, 1149 та ўйинда 3 очко қўлга киритган. Ундан кейин Франция футболи олий лигасида “Бордо” – 1074, “Сент-Этен” – 1062, “Монако” эса 1040 ўйинда ғалаба қозонган.
