Milanning “Inter” klubi yarim himoyachisi Marselo Brozovich vatandoshi Ivan Perishichni klub bilan shartnomasini yangilashga ko‘ndiradi, deb yozadi jurnalist Nikolo Skira o‘zining tvitterdagi sahifasida.
Manbaga ko‘ra, hozirda Perishich "Inter" bilan 2024 yilgacha amal qiladigan va bir mavsum uchun 4 million yevro maosh tashkil qiladigan shartnoma borasida muzokara olib bormoqda.
Xorvatiyalik yarim himoyachi klubda qolish istagini bildirgan va bunga ular Xorvatiya terma jamoasida birga to‘p surayotgan jamoadoshi Marselo Brozovich ham ishontirmoqda.
Perishich 2015-yildan beri “Inter”da o‘ynamoqda. Transfermarkt portaliga ko‘ra, futbolchining bozor narxi 10 million yevroni tashkil qiladi. Joriy mavsumda Ivan Perishich “Inter” safida 32ta o‘yinda maydonga tushib, yettita gol va oltita golli uzatmani amalga oshirdi. Perishichning "Inter" bilan shartnomasi shu yozda yakuniga yetadi.
