Миланнинг “Интер” клуби ярим ҳимоячиси Марсело Брозович ватандоши Иван Перишични клуб билан шартномасини янгилашга кўндиради, деб ёзади журналист Николо Скира ўзининг твиттердаги саҳифасида.
Манбага кўра, ҳозирда Перишич "Интер" билан 2024 йилгача амал қиладиган ва бир мавсум учун 4 миллион евро маош ташкил қиладиган шартнома борасида музокара олиб бормоқда.
Хорватиялик ярим ҳимоячи клубда қолиш истагини билдирган ва бунга улар Хорватия терма жамоасида бирга тўп сураётган жамоадоши Марсело Брозович ҳам ишонтирмоқда.
Перишич 2015-йилдан бери “Интер”да ўйнамоқда. Трансфермаркт порталига кўра, футболчининг бозор нархи 10 миллион еврони ташкил қилади. Жорий мавсумда Иван Перишич “Интер” сафида 32та ўйинда майдонга тушиб, еттита гол ва олтита голли узатмани амалга оширди. Перишичнинг "Интер" билан шартномаси шу ёзда якунига етади.
