Turinning “Yuventus” klubi “Fiorentina” hujumchisi Federiko Kyezani sotib olish imkoniyatini faollashtirdi. Bu haqda jurnalist Fabrisio Romano xabar berdi.
Manbaga ko‘ra, turinliklar "Fiorentina"ga 40 million yevro va qo‘shimcha 10 million yevro bonus puli to‘lashadi.
Hujumchining ijara to‘lovi 10 million yevro atrofida bo‘lgan.
Kyeza hozir va kelajakda "Yuventus" loyihasining muhim qismi bo‘lishi kutilmoqda.
Italiyalik hujumchi joriy mavsumda “Yuventus” safida 18 ta o‘yinda maydonga tushib, 4 ta gol urdi va 4 ta golli uzatmani amalga oshirdi.
