Туриннинг “Ювентус” клуби “Фиорентина” ҳужумчиси Федерико Кьезани сотиб олиш имкониятини фаоллаштирди. Бу ҳақда журналист Фабрицио Романо хабар берди.

Манбага кўра, туринликлар "Фиорентина"га 40 миллион евро ва қўшимча 10 миллион евро бонус пули тўлашади.

Ҳужумчининг ижара тўлови 10 миллион евро атрофида бўлган.

Кьеза ҳозир ва келажакда "Ювентус" лойиҳасининг муҳим қисми бўлиши кутилмоқда.

Италиялик ҳужумчи жорий мавсумда “Ювентус” сафида 18 та ўйинда майдонга тушиб, 4 та гол урди ва 4 та голли узатмани амалга оширди.