«Ayaks» «Tottenxem» hujumchisi Stiven Bergveynga qiziqish bildirmoqda. Futbolchi «Tottenxem»ning asosiy tarkibidagi o‘z o‘rnini yo‘qotdi va jamoadan ketish haqida o‘ylamoqda.
London klubi qishda Deyan Kulushevskini sotib olganidan keyin Bergveyn kamroq o‘ynay boshladi. «Tottenxem» bosh murabbiyi Antonio Konte futbolchini tarkibda saqlab qolmasligi mumkin. The Times nashri xabariga ko‘ra, unga «Ayaks» jiddiy qiziqish bildirmoqda.
Ma’lumot o‘rnida, Bergveyn joriy mavsumda Premyer-ligada 22 ta o‘yinda maydonga tushib, 3 ta gol va 1 ta golli uzatmani amalga oshirdi.
