«Аякс» «Тоттенхэм» ҳужумчиси Стивен Бергвейнга қизиқиш билдирмоқда. Футболчи «Тоттенхэм»нинг асосий таркибидаги ўз ўрнини йўқотди ва жамоадан кетиш ҳақида ўйламоқда.
Лондон клуби қишда Деян Кулушевскини сотиб олганидан кейин Бергвейн камроқ ўйнай бошлади. «Тоттенхэм» бош мураббийи Антонио Конте футболчини таркибда сақлаб қолмаслиги мумкин. The Times нашри хабарига кўра, унга «Аякс» жиддий қизиқиш билдирмоқда.
Маълумот ўрнида, Бергвейн жорий мавсумда Премьер-лигада 22 та ўйинда майдонга тушиб, 3 та гол ва 1 та голли узатмани амалга оширди.
