«Tottenxem» klubi «Vest Xem» yarim himoyachisi Tomas Souchekni o‘z safiga qo‘shib olmoqchi. Qayd etilishicha, «shporlar» bosh murabbiyi Antonio Kontega Chexiya terma jamoasi futbolchisining o‘yinlari yoqadi. Futbolchiga «Yuventus» ham qiziqmoqda.
Oldinroq «Vest Xem» futbolchiga 48 million yevro narx belgilagani xabar qilingandi. Souchek o‘z klubiga Yevropa Ligasi yarim finaliga chiqishga yordam berdi. Bundan tashqari, «Vest Xem» Premyer-ligada yevrokuboklar zonasiga chiqish uchun kurashni davom ettirmoqda.
Souchek joriy mavsumda APLda 33 ta o‘yinda maydonga tushib, 5 ta gol va 1 ta golli uzatmani amalga oshirdi.