«Barselona» va «Manchester Yunayted» Shvesiyaning «Xammarbyu» yarim himoyachisi Villiot Svedbergga qiziqish bildirmoqda.

Svedberg «Xammarbyu» yoshlar akademiyasi tarbiyalanuvchisi va 2021 yilda 17 yoshida asosiy jamoada debyut qilgan. O‘shandan beri u asosiy tarkibda muntazam o‘ynab, 32 ta o‘yin o‘tkazib, 8 ta gol va 2 ta golli uzatmani amalga oshirdi. Uning muvaffaqiyati e’tibordan chetda qolmadi.  «Barselona» va «Manchester Yunayted» skautlari shu hafta «Malmyo»ga qarshi o‘yinda uning harakatlarini kuzatib borishdi.

Avvalroq futbolchiga Moskvaning «Lokomotiv» klubi ham qiziqish bildirayotgani haqida xabarlar tarqalgan edi.