Leverkuzenning "Bayer" klubi "PSJ" hujumchisi Junior Dina-Ebimbe bilan shartnoma imzolashi mumkin.
RMC Sport bergan xabarga ko‘ra, Leverkuzen klubi 21 yoshli fransiyalik futbolchi uchun rasmiy taklif tayyorlamoqda. "Bayer" qishda futbolchi sotib olmoqchi edi, biroq keyinchalik kelishuv amalga oshmay qoldi.
"PSJ" bilan shartnomasi 2023 yilning iyun oyi oxirigacha amal qiladigan Dina-Ebimbening o‘zi ham klubini o‘zgartirish haqida o‘ylamoqda. Parijliklar hujumchini sotishga tayyor, biroq ayni paytda uning uchun imkon qadar ko‘proq pul olishni maqsad qilgan.
2021/22 yilgi mavsumda forvard Parij grandi safida 14 o‘yinda 1 golli uzatmani amalga oshirgan.
