Ekvador terma jamoasi 2022-yilda Qatarda bo‘lib o‘tadigan jahon chempionatida ishtirok etmasligi mumkin, deb xabar bermoqda The New York Times.

Chili futbol federasiyasi FIFA tartib-intizom qo‘mitasiga ekvadorlik futbolchi Bayron Kastilyo bilan yuz bergan voqeani bartaraf etishni so‘rab murojaat qildi. Chili tomonining ma’lum qilishicha, Kastilyo soxta tug‘ilganlik haqidagi guvohnoma va soxta fuqarolikka ega bo‘lgan holda Ekvador terma jamoasida o‘ynagan.

Chililiklar o‘zlarida Kastilyo Ekvadorda emas, Kolumbiyada tug‘ilganiga dalil borligini aytishmoqda, futbolchi esa hujjatlarida ko‘rsatilganidan yoshdan uch yosh katta. Chili JCH-2022 saralash turnirida futbolchi ishtirokidagi barcha sakkizta o‘yinda Ekvadorga texnik mag‘lubiyat berishni talab qilmoqda. Agar FIFA buni amalga oshirsa, Chili terma jamoasi saralash turniri turnir jadvalida to‘rtinchi o‘ringa ko‘tarilib, jahon chempionatining final qismida Ekvador o‘rnini egallaydi.

Qayd etilishicha, Kastilyo ishi Ekvadorda bir necha yil avval ham tekshirilgan, biroq futbolchiga terma jamoada o‘ynashga ruxsat berishga qaror qilingan. Himoyachi terma jamoadagi debyutini 2021 yilning sentyabrida JCH-2022 saralashi doirasidagi Paragvayga qarshi o‘yinda (2:0) o‘tkazgan edi.

JCH-2022 uchun Janubiy Amerika saralash turniri natijalariga ko‘ra Ekvador 4-o‘rinni egallab, to‘g‘ridan-to‘g‘ri final bosqichiga yo‘l oldi. Jamoa “A” guruhidan joy olgan va Qatar, Senegal va Gollandiya bilan o‘ynaydi.

JCH-2022 Qatarda 21 noyabrdan 18 dekabrga qadar bo‘lib o‘tadi.