Italiyaning "Torino" klubi safida ijara asosida o‘ynayotgan "Lester" yarim himoyachisi Dennis Prat Italiyada qoladi. Bu haqda jurnalist Nikolo Skira xabar berdi.
Manba bergan xabarga ko‘ra, kecha “buqalar” va “tulkilar” vakillari o‘rtasida uchrashuv bo‘lib o‘tgan va unda futbolchining ijara muddatini yana bir mavsumga uzaytirish masalasi muhokama qilingan.
Prat 2019 yilda 19,2 million yevro evaziga “Sampdoriya”dan “Lester”ga o‘tgan edi. Ikki yil ichida u ingliz klubi uchun 60 ta o‘yinda maydonga tushib, uchta gol urdi va beshta golli uzatmani amalga oshirdi. Futbolchining "Lester" bilan shartnomasi 2024 yilgacha mo‘ljallangan.
Joriy mavsum boshlanishidan oldin yarim himoyachi "Torino"ga ijaraga berilgan va barcha turnirlarda 21 o‘yin o‘tkazib, ikkita gol urgan va ikkita golli uzatmani amalga oshirgan.
27 yoshli belgiyalik futbolchining transfer narxi 15 million yevroni tashkil qiladi.
