"Chelsi" "Torino" himoyachisi Gleyson Bremerni Antonio Ryudigerga o‘rinbosar sifatida ko‘rib chiqmoqda. Nemis futbolchisi mavsum oralig‘ida yozda "Real"ga o‘tishni rejalashtirmoqda.

Bremer o‘zini A Seriyaning eng yaxshi markaziy himoyachilaridan biri sifatida ko‘rsatdi va allaqachon grand klublarning e’tiboriga tushgan. Unga "Inter", "Bavariya", "Liverpul", "Tottenxem" va boshqa jamoalar qiziqish bildirmoqda.

“Chelsi” esa yozda nafaqat Ryudigerdan, balki katta ehtimol bilan “Barselona”ga o‘tadigan Andreas Kristensenni ham ayriladi.

Ma’lumot o‘rnida, Bremer joriy mavsum A Seriyada 32 ta o‘yinda maydonga tushib, 3 ta gol va 1 ta golli uzatmani amalga oshirdi.