"Челси" "Торино" ҳимоячиси Глейсон Бремерни Антонио Рюдигерга ўринбосар сифатида кўриб чиқмоқда. Немис футболчиси мавсум оралиғида ёзда "Реал"га ўтишни режалаштирмоқда.

Бремер ўзини А Сериянинг энг яхши марказий ҳимоячиларидан бири сифатида кўрсатди ва аллақачон гранд клубларнинг эътиборига тушган. Унга "Интер", "Бавария", "Ливерпуль", "Тоттенхэм" ва бошқа жамоалар қизиқиш билдирмоқда.

“Челси” эса ёзда нафақат Рюдигердан, балки катта эҳтимол билан “Барселона”га ўтадиган Андреас Кристенсенни ҳам айрилади.

Маълумот ўрнида, Бремер жорий мавсум А Серияда 32 та ўйинда майдонга тушиб, 3 та гол ва 1 та голли узатмани амалга оширди.