Shveysariya futboli klublar miqyosida ko‘p narsasi bilan maqtana olmaydi. Ammo “Bazel” yevrokuboklardagi ishtiroki tufayli ko‘plab muxlislarga yaxshi tanish. Jamoa mutaxassis va skautlarning ham sevimli klublaridan hisoblanadi. Ular yevrofutbolga ko‘plab nomlarni yetishtirib chiqargan. Quyida “Bazel” orqali katta futbolda nom qozongan 4 yulduz bilan tanishib olishingiz mumkin.
Muhammad SALOH
Bazelda: 2012-2014, 78 o‘yin, 20 gol, 2 sovrin
Bazelga kelgan: “Mokavlun”dan (Misr), transfer summasi (transfermarkt.de ma’lumotlariga ko‘ra) - 2,5 million yevro
"Bazel"ni tark etdi: "Chelsi"ga 16,5 million yevroga
Saloh Qohiraning Mokavluni tarbiyalanuvchisi bo‘lib, uning birinchi jamoasida 2010 yilda debyut qilgan. 2012 yil fevral oyidagi dahshatli voqealar iqtidorli hujumchining Shveysariyaga ketishiga sabab bo‘ldi: Port Saiddagi stadionda mahalliy "Al-Masri" klubi va Qohiraning “Al-Ahli” jamoasi o‘rtasidagi o‘yinda ommaviy mushtlashuv kelib chiqdi, natijada 73 kishining o‘limi. Shundan so‘ng Misr futbol associaciyasi mavsumning qolgan qismini bekor qilish to‘g‘risida qaror qabul qildi.
“Bazel” ushbu pauzadan unumli foydalanib, mart oyida “Fir’avnlar” yoshlar jamoasini o‘rtoqlik uchrashuviga taklif qildi. 19 yoshli Saloh ikkinchi bo‘limda maydonga tushdi va dubl qayd etdi (o‘yin mezbonlarning g‘alabasi bilan yakunlandi - 4:3). Shundan so‘ng "Bazel" Muhammadga klub bilan mashg‘ulot o‘tkazish uchun bir hafta taklif qildi va 2012 yilning 10 aprelida Saloh “qizil-ko‘k” bilan to‘rt yillik shartnoma imzolagani ma’lum bo‘ldi.
Aynan "Bazel" bilan Muhammad yevrokuboklarda ham qatnashgan - 2013 yilning mart oyida shveysariyaliklar Yevropa ligasi 1/8 finalining javob o‘yinida "Zenit"ga qarshi o‘ynagan. O‘shanda Saloh "Zenit"ga gol ura olmagandi. Ammo “Bazel” keyingi bosqichga yo‘l olgan.
Keyinchalik Saloh va uning jamoasi - "Tottenxem" bilan chorak finalda va "Chelsi" bilan yarim finalda ustun keladi. Taxminlarga ko‘ra, Yevropa ligasining o‘sha o‘yinlarida Roman Abramovichning klubi misrlik futbolchiga qiziqib qolgan va 2014 yil yanvar oyida Saloh "ko‘klar" futbolchisiga aylandi. “Bazel”ning hujumchini sotishdan olgan foydasi rekord darajadagi 14 million yevroni tashkil qildi.
Granit JAKA
Bazelda: 2002-2012, 61 o‘yin, 2 gol, 3 sovrin
Bazelga keldi: klub tarbiyalanuvchisi
"Bazel"ni tark etdi: "Borussiya Myonxengladbax"ga 8,5 million evro
Jaka oilasi Granit tug‘ilishidan ikki yil oldin Kosovodan Bazelga ko‘chib o‘tgan.
U Konkordiya maktabida futbol o‘ynashni boshladi, keyin shaharning asosiy jamoasiga o‘tdi, ikki mavsumni Bazel yoshlar jamoasida, 2010 yildan esa asosiy jamoada paydo bo‘ldi. Yarim himoyachi Myonxengladbaxning "Borussiya"si bilan besh yillik shartnoma imzoladi, u ikki mavsum "qizil-ko‘klar"da o‘ynadi va Otmar Xitsfeldning o‘zidan "yosh Shvaynshtayger" laqabini oldi.
Endilikda Jaka Shveysariya terma jamoasi sardori va eng muhim futbolchisi hisoblanadi.
Ivan RAKITICH
Bazelda: 2002-2007, 46 o‘yin, 11 gol, 1 kubok
Bazelga keldi: klub tarbiyalanuvchisi
"Bazel"ni tark etgan: "Shalke" 5 million yevro
Rakitich Shveysariyada - 13,5 ming aholiga ega Reynfelden shahrida tug‘ilgan. Fuqarolar urushi paytida uning oilasi Xorvatiyadan qochib kelgan. Keyin Rakitichi Melin shahriga ko‘chib o‘tdi va u erda Melin-Riburg klubida Ivan futbol o‘ynay boshladi.
U 2002 yilda, 14 yoshida Bazel maktabiga kirgan. Oradan uch yil o‘tib yarim himoyachi "qizil-ko‘klar"ning asosiy jamoasiga jalb qilindi va 17 yoshida, 2005 yil 29 avgustda u UYEFA kubogi doirasida Bosniyaning "Shiroki Briyeg" klubiga qarshi o‘yinda debyut qildi.
Keyingi, 2006/07 yilgi mavsumda 18 yoshli Rakitich "Bazel"da nafaqat asosiy o‘yinchi, balki jamoaning ikkinchi to‘purari bo‘ldi - 33 o‘yinda 11 gol. Ivan ham Shveysariya chempionatining eng yaxshi yosh o‘yinchisi unvoniga sazovor bo‘ldi.
2007 yilning iyunida Rakitich "Shalke" bilan 4 yillik shartnoma imzoladi. Oradan uch oy o‘tib, Shveysariyaning barcha yoshdagi terma jamoalarida to‘p surgan yarim himoyachi Xorvatiya terma jamoasi bosh murabbiyi Slaven Bilichning taklifini qabul qilib, Xorvatiya milliy terma jamoasida debyutini o‘tkazdi.
Jerdan SHAQIRI
Bazelda: 2001-2012, 130 ta o‘yin, 23 ta gol, 5 ta sovrin
Bazelga keldi: klub tarbiyalanuvchisi
"Bazel"ni tark etdi: "Bavariya"ga 11,8 million yevro
Shaqiri Kosovoning Gnjilane shahrida tug‘ilgan, u yerdan 1992 yilda ota-onasi bir yoshli Jerdan va uning uch aka-uka va opa-singillari bilan Shveysariyaga ko‘chib kelgan.
U Augusta shahrida futbol o‘ynashni boshladi (Shaqiri oilasi Fransiya va Germaniya chegaralaridan unchalik uzoq bo‘lmagan Bazel kantonidagi xuddi shu nomdagi shaharchada joylashdi) va sakkiz yoshida uni Bazel bolalar jamoasiga taklif qilishdi. 2009 yil 2 yanvarda 17 yoshli yarim himoyachi klub bilan birinchi professional shartnomasini imzoladi va o‘sha yilning 12 iyulida u “Bazel" jamoasida debyut qildi.
Shaqirining "Bavariya" bilan to‘rt yillik shartnomasi 2012 yilning fevralida imzolanadi va u yozdan Myunxen superklubida o‘ynay boshlaydi. Futbolchining 11,8 million yevroga sotilishi o‘sha paytdagi “Bazel” uchun rekord bo‘lgandi.
Mirjalol Pardaboyev tayyorladi.
