"Tottenxem" "Blekbern"ning 16 yoshli himoyachisi Eshli Fillipsni qo‘lga kiritish uchun kurashda peshqadamlik qilmoqda. Klub o‘z futbolchisini 5 million yevroga baholamoqda. Futbolchiga “shporlar”dan tashqari “Chelsi” va “Manchester Yunayted” qiziqish bildirmoqda.
Markaziy himoyachi Angliya yoshlar chempionatidagi o‘yinlari bilan ko‘plab top-klublarni hayratga soldi. Shu bilan birga, angliyalik futbolchi hali "Blekbern" asosiy jamoasida debyut qilgani yo‘q.
Agar top-klubdan jiddiy taklif tushsa, Eshli Fillips zudlik bilan ijaraga berilishi mumkin. Shu bilan birga, yosh futbolchining “Blekbern” bilan shartnomasi 2022/23 yilgi mavsum oxirida yakuniga yetadi.
