Fransiyaning “Pari Sen-Jermen” klubining 30 yoshli braziliyalik hujumchisi Neymar Fransiya chempionatining 36-turida “Trua” darvozasiga penaltidan urgan gol (2:2) evaziga klub to‘purarlar ro‘yxatida oltinchi o‘ringa chiqib oldi.
Braziliyalik uchun bu gol "PSJ" uchun kiritgan 99-gol bo‘ldi, u jazoirlik Mustafo Dalebni ortda qoldirdi.
Parijliklar uchun gol urish bo‘yicha rekordchi urugvaylik hujumchi Edinson Kavani bo‘lib u raqiblar darvozasiga 200 ta gol urgan.
Undan keyin “PSJ”ning amaldagi futbolchisi – Kilian Mbappe (167), Zlatan Ibrahimovich (156) kuchli uchlikni yakunlab turibdi.
Eslatib o‘tamiz, Neymar 2017 yilning yozida "Barselona"dan 222 million yevro evaziga "PSJ" futbolchisiga aylangandi.
