Франциянинг “Пари Сен-Жермен” клубининг 30 ёшли бразилиялик ҳужумчиси Неймар Франция чемпионатининг 36-турида “Труа” дарвозасига пенальтидан урган гол (2:2) эвазига клуб тўпурарлар рўйхатида олтинчи ўринга чиқиб олди.

Бразилиялик учун бу гол "ПСЖ" учун киритган 99-гол бўлди, у жазоирлик Мустафо Далебни ортда қолдирди.

Парижликлар учун гол уриш бўйича рекордчи уругвайлик ҳужумчи Эдинсон Кавани бўлиб у рақиблар дарвозасига 200 та гол урган.

Ундан кейин “ПСЖ”нинг амалдаги футболчиси – Килиан Мбаппе (167), Златан Ибраҳимович (156) кучли учликни якунлаб турибди.

Эслатиб ўтамиз, Неймар 2017 йилнинг ёзида "Барселона"дан 222 миллион евро эвазига "ПСЖ" футболчисига айланганди.