“Inter” himoyachisi Alessandro Bastoni Turinning “Yuventus” jamoasiga qarshi mamlakat kubogi finalida milanliklarga yordam bera oladi.

Sky Sport xabariga ko‘ra, 23 yoshli italiyalik futbolchi jarohatdan forig‘ bo‘lib, umumiy guruhdagi mashg‘ulotlarga qaytgan, shuning uchun Bastoni "Yuventus" bilan Italiya kubogi finalida o‘ynay oladi. Eslatib o‘tamiz, mamlakat kubogi uchun hal qiluvchi bahs 11 may kuni Toshkent vaqti bilan soat 00:00da bo‘lib o‘tadi.

Joriy mavsumda Alessandro Bastoni Italiya chempionatida 29 ta o‘yin o‘tkazib, 1 ta gol va 3 ta golli uzatmaga mualliflik qilgan.