“Интер” ҳимоячиси Алессандро Бастони Туриннинг “Ювентус” жамоасига қарши мамлакат кубоги финалида миланликларга ёрдам бера олади.
Sky Sport хабарига кўра, 23 ёшли италиялик футболчи жароҳатдан фориғ бўлиб, умумий гуруҳдаги машғулотларга қайтган, шунинг учун Бастони "Ювентус" билан Италия кубоги финалида ўйнай олади. Эслатиб ўтамиз, мамлакат кубоги учун ҳал қилувчи баҳс 11 май куни Тошкент вақти билан соат 00:00да бўлиб ўтади.
Жорий мавсумда Алессандро Бастони Италия чемпионатида 29 та ўйин ўтказиб, 1 та гол ва 3 та голли узатмага муаллифлик қилган.
