"Lids" bosh murabbiyi Jessi Marsh jurnalistlarga Maxatma Gandi, ona Tereza va Jon Kennedining so‘zlari bilan o‘z futbolchilarini Premyer-ligadagi o‘rnini saqlab qolishga undashini aytdi.

"Menda 52 ta maqola, kitoblardan parchalar bor, men ularni ba’zan o‘yinchilarga motivasiya berish uchun nimadir kerak deb o‘ylasam, ularga beraman" - dedi Marsh.

Avvalroq, "Lids" vingeri Jek Xarrison o‘tgan yakshanba kuni "Arsenal"ga qarshi o‘yin oldidan o‘z jamoasi nutqida ustozi hind millatchilari yetakchisi Maxatma Gandidan iqtibos keltirganini ma’lum qilgandi.

“Men iqtiboslarni yaxshi ko‘raman. Men o‘tmishdagi odamlardan, sport arboblaridan, tarixiy shaxslardan o‘rganishni yaxshi ko‘raman”, — deya qo‘shimcha qildi Marsh.

"Lids" Premyer-ligada 18-o‘rinda, "Byornli" va "Everton" yuqori ligadagi o‘rnini saqlab qolish uchun kurashmoqda. So‘nggi turlarda Marsh shogirdlari “Manchester Siti” va “Arsenal”ga mag‘lub bo‘lishdi.