“Bavariya” hujumchisi Kingsli Koman Bundesliganing 3 o‘yiniga diskvalifikasiya qilindi, deb xabar beradi Sport1.

Germaniya chempionatining 33-turidan o‘rin olgan “Shtutgart”ga qarshi o‘yinda (2:2) fransiyalik futbolchi raqib jamoa himoyachisi Konstantinos Mavropanosning yuziga zarba berdi, buning uchun u maydondan chetlatildi.

Shu tariqa, futbolchi Bundesliganing joriy mavsumining so‘nggi turini hamda kelasi mavsumning ikkita boshlang‘ich o‘yinini o‘tkazib yuboradi.

Joriy mavsumda 25 yoshli Koman myunxenliklar safida 32 ta o‘yin o‘tkazib, 8 ta gol urdi va 6 ta golli uzatmani amalga oshirdi.