“Бавария” ҳужумчиси Кингсли Коман Бундеслиганинг 3 ўйинига дисквалификация қилинди, деб хабар беради Sport1.

Германия чемпионатининг 33-туридан ўрин олган “Штутгарт”га қарши ўйинда (2:2) франциялик футболчи рақиб жамоа ҳимоячиси Константинос Мавропаноснинг юзига зарба берди, бунинг учун у майдондан четлатилди.

Шу тариқа, футболчи Бундеслиганинг жорий мавсумининг сўнгги турини ҳамда келаси мавсумнинг иккита бошланғич ўйинини ўтказиб юборади.

Жорий мавсумда 25 ёшли Коман мюнхенликлар сафида 32 та ўйин ўтказиб, 8 та гол урди ва 6 та голли узатмани амалга оширди.