"Bavariya" yarim himoyachisi Korentin Tolisso Myunxen klubida qolishi mumkin. Biroq, buning uchun u maoshini sezilarli darajada kamaytirishga rozi bo‘lishi kerak, deb xabar beradi Bild.

Ma’lumot uchun, Tolissoning "Bavariya" bilan shartnomasi joriy mavsum yakunlanganidan keyin nihoyasiga etadi.

Agar 27 yoshli fransiyalik futbolchi kamroq maosh yoki qisqaroq shartnomaga rozi bo‘lsa, u klubda qolishi mumkin.

Joriy mavsumda futbolchi Bundesligada 14 ta o‘yin o‘tkazib, 2 ta gol urdi va 1 ta golli uzatmani amalga oshirdi.