"Yuventus" bosh murabbiyi Massimiliano Allegri turinliklarning kelasi mavsumda chempionlik uchun imkoniyatlari haqida fikr bildirdi.

Allegrining ta’kidlashicha, Turin klubi Ronalduning ketishi va Kyezaning jarohatidan so‘ng hujum borasida biroz qiyinchiliklarga duch kelgan, ammo Vlaxovich bilan shartnoma imzolangach, hammasi o‘zgargan. "Keksa sinyora" ustozi kelasi mavsumda Skudetto uchun ko‘proq imkoniyatlar bo‘lishini ta’kidladi.

Eslatib o‘tamiz, ayni damda Allegri boshchiligidagi turinliklar turnir jadvalida to‘rtinchi pog‘onani egallab turibdi. "Yuventus" kelasi mavsum uchun Chempionlar ligasiga yo‘llanmani qo‘lga kiritdi.