"Yuventus" vise-prezidenti Pavel Nedved Paulo Dibalaning jamoani tark etishi haqida yana bir bor gapirdi.
Eslatib o‘tamiz, argentinalik hujumchi shu yozda "Yuventus"ni erkin agent sifatida tark etadi, chunki turinliklar yangi shartnoma bo‘yicha uning talablarini qondirishdan bosh tortgan.
"Muzokaralar hozir berk ko‘chaga kirib qolgan. Biz barcha jihatlarni baholadik - ham futbol, ham moliyaviy jihatlarni.
Uning so‘rovlari juda ko‘p edi va bu bizga yoqmadi. Ammo bu Dibalaning bizga futbolchi sifatida mos kelmasligini anglatmaydi, chunki u juda kuchli futbolchi”, - deydi chexiyalik sobiq yarim himoyachi.
