"Ювентус" вице-президенти Павель Недвед Пауло Дибаланинг жамоани тарк этиши ҳақида яна бир бор гапирди.
Эслатиб ўтамиз, аргентиналик ҳужумчи шу ёзда "Ювентус"ни эркин агент сифатида тарк этади, чунки туринликлар янги шартнома бўйича унинг талабларини қондиришдан бош тортган.
"Музокаралар ҳозир берк кўчага кириб қолган. Биз барча жиҳатларни баҳоладик - ҳам футбол, ҳам молиявий жиҳатларни.
Унинг сўровлари жуда кўп эди ва бу бизга ёқмади. Аммо бу Дибаланинг бизга футболчи сифатида мос келмаслигини англатмайди, чунки у жуда кучли футболчи”, - дейди чехиялик собиқ ярим ҳимоячи.
