13 may kuni «Andijon» jamoasi safarda «Sho‘rtan» klubi mehmoni bo‘ladi. «Andijon» hamda «Sho‘rtan» o‘rtasidagi o‘yinlar hamma vaqt qiziqarli tus olgan.
Shu sababli tomonlarning o‘zaro uchrashuvlarida ham natijalar har xil. E’tiborlisi, navbatdagi bahs jamoalarning 23-o‘yiniga aylanadi.
Demak, klublar hozirga qadar O‘zbekiston chempionatida 22 marta to‘qnash kelishgan. Statistik raqamlar shuni ko‘rsatyaptiki, «Andijon»da 8 ta, «Sho‘rtan»da esa 9 ta g‘alaba bor. Shuningdek, 5 ta uchrashuvda durang qayd etilgan. «Andijon» jamoamiz raqiblar darvozasini 21 bor ishg‘ol qilgan bo‘lsa, 26 marta o‘z darvozasidan top olib chiqqan.
