13 май куни «Андижон» жамоаси сафарда «Шўртан» клуби меҳмони бўлади. «Андижон» ҳамда «Шўртан» ўртасидаги ўйинлар ҳамма вақт қизиқарли тус олган.

Шу сабабли томонларнинг ўзаро учрашувларида ҳам натижалар ҳар хил. Эътиборлиси, навбатдаги баҳс жамоаларнинг 23-ўйинига айланади.

Демак, клублар ҳозирга қадар Ўзбекистон чемпионатида 22 марта тўқнаш келишган. Статистик рақамлар шуни кўрсатяптики, «Андижон»да 8 та, «Шўртан»да эса 9 та ғалаба бор. Шунингдек, 5 та учрашувда дуранг қайд этилган. «Андижон» жамоамиз рақиблар дарвозасини 21 бор ишғол қилган бўлса, 26 марта ўз дарвозасидан топ олиб чиққан.