Namanganning "Navbahor" klubi himoyachi Yegor Krimes "lochinlar" safini tark etmagani haqida rasmiy bayonot berdi.
"Bugun ommaviy axborot vositalarida mahoratli himoyachi Yegor Krimesning sog‘lig‘idagi muammolar sabab “Navbahor” bilan xayrlashganligi haqida ma’lumotlar tarqaldi.
Shu munosabat bilan, “Navbahor” PFK bu xabarlar haqiqatga to‘g‘ri kelmasligi, Yegor Krimes hamon “Navbahor” bilan birga ekanligi, faqat jarohatini davolatayotganligi tufayli mashg‘ulotlar va rasmiy uchrashuvlarda qatnasha olmayotganini bildiradi. “Navbahor” PFK Krimesga mustahkam sog‘lik, tezroq tarkibga qaytib, jamoamiz g‘alabalariga o‘z hissasini qo‘shishini tilab qoladi.
O‘z navbatida, ayrim OAV vakillariga “Navbahor” klubiga taalluqli har qanday ma’lumotni chop etishdan avval uning to‘g‘riligini tekshirish, klub rasmiylari tomonidan tasdiqlanganidan keyin ommaga e’lon qilinishi maqsadga muvofiq ekanligini eslatib o‘tmoqchimiz", - deyiladi bayonotda.
