"Liverpul" hujumchisi Muhammad Saloh "Real"ga qarshi Chempionlar ligasi final uchrashuvidan oldingi fikrlari bilan o‘rtoqlashdi.
"Real Madrid"ga qarshi oxirgi finalni kechagidek eslayman. Biz bu uchrashuvga yaxshi tayyorgarlik ko‘rdik. Umid qilamanki, “Liverpul” finalda qasos oladi”, - dedi futbolchi beIN Sports nashriga.
Eslatib o‘tamiz, 2017/18 yilgi mavsumda "Liverpul" Chempionlar ligasi finalida "Real" bilan to‘qnash kelgandi. Keyin uchrashuv 3:1 hisobida “qaymoqranglilar” foydasiga hal bo‘lgan.
Jamoalar o‘rtasidagi joriy mavsumdagi uchrashuv 28 may kuni Parijda bo‘lib o‘tadi.
"Qirollik klubi" Chempionlar ligasidagi g‘alabalar soni bo‘yicha rekordchi hisoblanadi. Madridliklar 13 marta turnir g‘olibi bo‘lishgan. "Liverpul" esa 6 marta Chempionlar ligasida g‘alaba qozongan va uch marta finalda imkoniyatni boy bergan.
