"Liverpul"ning sobiq himoyachisi Jeymi Karrager "qizillar"ning senegallik hujumchisi Sadio Manening o‘yini haqida fikr bildirdi.

Karragerning aytishicha, bu yil senegallik futbolchi ko‘proq o‘ziga e’tibor qarata boshlagan, avvalgi mavsumlarda Salohga urg‘u berilgan edi. Sobiq futbolchining qayd etishicha, Mane aql bovar qilmaydigan o‘yin ko‘rsatmoqda va "Liverpul"ga to‘rtta sovrin uchun kurashishda yordam bermoqda. Mutaxassisning fikricha, Mane bu yil "Oltin to‘p"ga nomzod.

Eslatib o‘tamiz, joriy mavsum Sadio Mane Angliya chempionatida 33 ta o‘yinda maydonga tushib, 15 ta gol urdi va 2 ta golli uzatmaga mualliflik qilgan.