"Ливерпул"нинг собиқ ҳимоячиси Жейми Каррагер "қизиллар"нинг сенегаллик ҳужумчиси Садио Маненинг ўйини ҳақида фикр билдирди.
Каррагернинг айтишича, бу йил сенегаллик футболчи кўпроқ ўзига эътибор қарата бошлаган, аввалги мавсумларда Салоҳга урғу берилган эди. Собиқ футболчининг қайд этишича, Мане ақл бовар қилмайдиган ўйин кўрсатмоқда ва "Ливерпул"га тўртта соврин учун курашишда ёрдам бермоқда. Мутахассиснинг фикрича, Мане бу йил "Олтин тўп"га номзод.
Эслатиб ўтамиз, жорий мавсум Садио Мане Англия чемпионатида 33 та ўйинда майдонга тушиб, 15 та гол урди ва 2 та голли узатмага муаллифлик қилган.
