Todofichajes nashri xabariga ko‘ra, "Barselona" futbolchisi Usmon Dembele yangi mavsum boshqa jamoaga o‘tadi. Hujumchi klub bilan shartnomani uzaytirishdan bosh tortdi va "ko‘k-anorranglilar" safini erkin agent maqomida tark etadi.

Usmonning yangi klubi Turinning "Yuventus" jamoasi bo‘lishi mumkin. “Keksa sinyora” futbolchining agenti bilan doimiy aloqada bo‘lib turibdi. Tomonlar o‘rtasidagi muzokaralar yaxshi ketmoqda. Kelishuv iyun oyining birinchi kunlarida e’lon qilinishi mumkin.

Ma’lumot o‘rnida, Ispaniya chempionatining 2021/2022 yilgi mavsumida 24 yoshli fransiyalik futbolchi 20 ta o‘yin o‘tkazib, atigi 1 ta gol urdi va 13 ta golli uzatmani amalga oshirdi.