Todofichajes нашри хабарига кўра, "Барселона" футболчиси Усмон Дембеле янги мавсум бошқа жамоага ўтади. Ҳужумчи клуб билан шартномани узайтиришдан бош тортди ва "кўк-анорранглилар" сафини эркин агент мақомида тарк этади.
Усмоннинг янги клуби Туриннинг "Ювентус" жамоаси бўлиши мумкин. “Кекса синьора” футболчининг агенти билан доимий алоқада бўлиб турибди. Томонлар ўртасидаги музокаралар яхши кетмоқда. Келишув июнь ойининг биринчи кунларида эълон қилиниши мумкин.
Маълумот ўрнида, Испания чемпионатининг 2021/2022 йилги мавсумида 24 ёшли франциялик футболчи 20 та ўйин ўтказиб, атиги 1 та гол урди ва 13 та голли узатмани амалга оширди.
